लौ कृष्ण! (Aug 10, 2020, Facebookमा टाँसेको)
लौ कृष्ण तिम्रो जन्मदिन रहेछ,
शुभकामना भन्न मन लाग्यो ।
तिमी नारायणका आठौं अवतार,
मलाई चाँहि सत्यको जय गन्न मन लाग्यो ।|
तिमी जगले मानेका,
गीता जानेका दैव ।
सारा जगसँग तिमी जन्मदिन मनाउ,
बालख देखि वृद्धसम्म सबै मनलाई नचाउ!
म त तिम्रा भजन् मा नाच्छु ,
तिम्रा लिलाका रसमा,
लोकका मान्यताका साघुँ भाच्छु ।
अनि अन्नत आकाशको एउटा कुना चेपेर,
तिमी, यदि छ भने, आफ्ना भूत केलाउँदै बस ।
समयको आयाम तिम्रा लागि कस्तो हो,
त्यो मेरो कल्पना बाहिरको कुरो भयो ।
तर यदि तिम्रा लागि भूत र भविष्यमा फरक छ भने,
त्यो बुझाई यो लोकमा प्रसारित गरिदेउ ।
तिमी नारायणका स्वरुप,
हामी ब्रह्माका श्रृष्टी ।
नयाँ अवतार उपलब्ध भए,
जानकारी पठाउ, अविलम्ब जनाउ ।
किन भने, तिमीले कुरा सबै बुझेकै हो त भनि सोध्न मन लाग्न थालेको छ ।
गीता तिमीले हामीलाई मात्र छोडेका हौ कि भनि शंका जाग्न थालेकको छ ।
अनविज्ञ पक्कै छैनौ होला,
आफ्नै अस्तित्व किटानी गर भन्न मन लागेको छ ।
बाँकि गुनासा पछी !